கொண்டைகடலை - முருங்கை கீரை அடை

தேவையான பொருட்கள் : 

துவரம் பருப்பு - 1 கப் 
உளுத்தம் பருப்பு - 1 கப் 
கடலைப்பருப்பு - 1 கப் 
கொண்டைகடலை - 1 கப் 
பாசிபருப்பு - 1 கப் 
பெருஞ்சீரகம் - 1 ஸ்பூன் 
முருங்கை கீரை - 1 கப் 
கொத்தமல்லி - சிறிதளவு 
கறிவேப்பிலை - சிறிதளவு 
வெங்காயம் - 2 
மிளகாய் தூள் - 1 ஸ்பூன் 
உப்பு - தேவையான அளவு 
எண்ணெய் - சிறிதளவு 
சீரகத்தூள் - அரை ஸ்பூன் 

செய்முறை : 

• மேலே சொன்ன பருப்பு வகைகளை 4 மணி நேரம் ஊற வைத்து கொரகொரப்பாக அரைத்து கொள்ளவும். 

• பெருஞ்சீரகத்தை ஒன்றும் பாதியாக பொடித்து கொள்ளவும். 

• முருங்கை கீரை, கறிவேப்பிலை, கொத்தமல்லி, வெங்காயத்தை பொடியாக நறுக்கி கொள்ளவும். 

• ஒரு பாத்திரத்தில் அரைத்த மாவை போட்டு அதில் நறுக்கிய முருங்கைகீரை, கறிவேப்பிலை, கொத்தமல்லி, வெங்காயம், பெருஞ்சீரம், மிளகாய் தூள், உப்பு, சீரகப்பொடியை போட்டு நன்றாக மாவு பதத்தில் கலந்து கொள்ளவும். 

• தோசை கல்லை அடுப்பில் வைத்து அதில் இந்த மாவை ஊற்றி சுற்றி சிறிது எண்ணெய் ஊற்றி வெந்ததும் திருப்பி போட்டு எடுக்கவும். 

• சுவையான சத்தான கொண்டைகடலை - முருங்கை கீரை அடை ரெடி.