சம்பா ரவை உப்புமா

தேவையான பொருட்கள் : 

• சம்பா ரவை - 1/2 கப், 
• பச்சை பட்டாணி - 1/2 கப், 
• கேரட் - 1 (நறுக்கியது), 
• வெங்காயம் - 1 (நறுக்கியது), 
• பச்சை மிளகாய் - 2 (பொடியாக நறுக்கியது), 
• இஞ்சி - 1/2 டீஸ்பூன் (துருவியது), 
• கடுகு - 1/2 டீஸ்பூன், 
• கொத்தமல்லி - சிறிது (நறுக்கியது), 
• தண்ணீர் - 3 கப், 
• எண்ணெய் - தேவையான அளவு, 
• உப்பு - தேவையான அளவு. 

செய்முறை : 

முதலில் சம்பா ரவையை நீரில் அலசி, நீரை முற்றிலும் வடிகட்டி தனியாக வைக்க வேண்டும். பின்னர் 2 கப் தண்ணீரை ஒரு பாத்திரத்தில் ஊற்றி, அதில்  ரவையைப் போட்டு நன்கு 5 நிமிடம் கொதிக்க விட்டு, பின் அதனை இறக்கி, நீரை வடிகட்டி வைக்க வேண்டும். பின்னர் ஒரு குக்கரை அடுப்பில் வைத்து, அதில்  எண்ணெய் ஊற்றி காய்ந்ததும், கடுகு சேர்த்து தாளித்து, நறுக்கிய வெங்காயம் மற்றும் பச்சை மிளகாய் சேர்த்து, 2 நிமிடம் வதக்க வேண்டும். 

பின்பு துருவிய  இஞ்சியை சேர்த்து கிளறி, பச்சை பட்டாணி மற்றும் கேரட் சேர்த்து, பிரட்டி 2 நிமிடம் நன்கு வதக்கி விட வேண்டும். பிறகு அத்துடன் சம்பா ரவையை சேர்த்து, 1  கப் தண்ணீர் மற்றும் உப்பு சேர்த்து, குக்கரை மூடி, தீயை குறைவில் வைத்து, 2 விசில் விட்டு, இறக்க வேண்டும். பின் குக்கரை திறந்து, அதன் மேல்  கொத்தமல்லியை சேர்த்து அலங்கரித்து பரிமாறினால், சம்பா ரவை உப்புமா ரெடி!!!